"Тоттенхэм" ҳужумчиси Ҳарри Кейн жамоаси узоқ вақтдан буён бирон бир совринни қўлга кирита олмаслигидан афсусда. Бир кун олдин англиялик London Football Award  2021да "Йилнинг энг яхши футболчиси" мукофотини олди, аммо у учун жамоавий совринлар муҳимроқ эканлигини айтди.

"Шахсий мукофотлар жуда зўр, бу ажойиб ютуқлар. Фаолиятим якунида мен уларга кўпроқ вақт ажратаман. Аммо ҳозирда футболчи сифатида менинг мақсадим жамоа билан совринларни ютишдир. Ва бу мукофот жуда зўр бўлса ҳам, мен катта совринларни ютмоқчиман, аммо "Тоттенхэм" бундай ютуқларга эга эмас. Жамоа кубокларини ҳам, ушбу совринни ҳам ютишни афзал кўрган бўлардим. Ушбу совринни ғурур билан қабул қиламан. Бу шундан далолат берадики, бу мавсум яхши ўтди, шунинг учун мен ўз ишимни давом эттиришга ҳаракат қилишим керак", - дейди ҳужумчи.

Маълумот учун, London Football Award фақат Англия пойтахти жамоаларида ўйнаган футболчиларга берилади.