«Челси» биринчи даражали ҳужумчига жой ажратмоқчи.
Шу сабабли, «аристократлар» Тэмми Абрахамни сотишга тайёр. Лондон клуби тахминан 40 миллион фунт стерлинг миқдоридаги таклифларни кўриб чиқмоқчи.
Шунингдек, Оливье Жиру ҳам мавсум охирида «Челси» ни тарк этиши кутилмоқда. Француз ва инглизнинг кетиши «Челси»га потенциал янги футболчининг маоши эвазига ҳафтасига 200 минг фунт стерлингни озод қилишга имкон беради.
Олдинроқ «Челси» «Боруссия» ҳужумчиси Эрлинг Холанд ва «Интер» ҳужумчиси Ромелу Лукакуга қизиқиш билдираётгани ҳақида хабар берилган эди.
