Бугун «Ўзбекистон» меҳмонхонасининг 3-қаватида жойлашган конференция залида «Машъал» футболчилари учун ўйин қоидалари бўйича семинар ташкил этилди. Видеоёзувлар ёрдамида ўтказилган семинарни «Ҳакамлар ва назоратчиларни тайинлаш бўлими» бошлиғи Бобур Ҳайдаров ҳамда ОФК ва ЎФФ инструктори Фарҳод Абдуллаев олиб борди. Дасталаб жамоамиз бош мураббийи Владимир Фомичев клуб номидан ПФЛга мана шундай тадбирни ташкил этгани учун миннатдорчилик билдирди. Владимир Александрович аксарият футболчилар ўйин қоидаларини яхши билмаслиги, бунинг оқибатида ўйин пайтида турли тушунмовчиликлар юзага келишини алоҳида таъкидлади.

Шундан сўнг сўз навбати Бобур Ҳайдаров билан Фарҳод Абдуллаевга берилди. Ҳакамлик бўйича ҳар иккала мутахассис ҳам футболчиларни ўйин пайтида ҳадеб ҳакам билан тортишавермасдан эътиборни фақат футболга қаратишга чақирди. Шундан кейин Фарҳод Алишерович проектор ёрдамида бир нечта қоидалар бўйича дарс ўтди. Хусусан рақибнинг оёғига зарба бериш, тўпни қўл билан ўйнаш, симуляция каби қоида бузишлар ва голни нишонлаш, футболчининг экипировкаси, ўйиндан ташқарии ҳолат, пенальтини тўғри тепиш борасида турли лавҳаларни намойиш этиб берди. Семинар охирида клубимиз футболчилари ўзларини қизиқтирган саволларга мутахассислардан жавоб олишди.