Испания терма жамоаси бош мураббийи Луис Энрике "Барселона" ҳужумчиси Лионел Месси ҳақида гапирди. У аргентиналик футболчининг ҳеч қачон клубни тарк этмаслигини исташини маълум қилди. Бироқ, "Барса" Мессини кетишидан қўрқмаслиги керак.
"Менимча, "Барселона" Мессисиз унвонларни қўлга киритади. Клуб уни кетишидан қўрқиши керак эмас. У ўз фаолиятини "Барселона" да давом эттиришини жуда истардим. Ўйлайманки, мен шунчаки романтикман. Мен ҳар доим Леони "кўк-аноррангли" футболкада кўришни хоҳлайман ", - деди Энрике ТВ3 журналистларига.
