"Манчестер Сити" ярим ҳимоячиси Самир Насри ҳамда "Бавария" етакчиси Франк Риберининг агенти ҳар иккала футболчи яқин вақт ичида "ПСЖ" футболчисига айланиш эҳтимоли борлигини тасдиқлади. Бу ҳақда "France Football" нашри хабар бермоқда.
Футболчиларнинг агенти Жан-Пьер Берненинг сўзларига кўра, ушбу трансферларда молиявий масала биринчи ўринда турмайди.
"ПСЖ" Насри ва Риберини сотиб олиши мумкин. Бир қатор ҳаётий қадриятлар борки, футболчилар айнан шу сабаблар билан Парижни кейинги иш жойлари сифатида танлашлари мумкин. Хусусан, ватанда тўп суриш ва оилага яқин бўлиш каби", деди Берне.
Эслатиб ўтамиз, "Пари Сен-Жермен" Франция чемпионати 20 тур учрашувларидан сўнг, энг яқин таъқибчиси "Монпелье"ни уч очкога ортда қолдиргани ҳолда, пешқадамлик қилмоқда.