«Интер» бош мураббийи Антонио Конте Италия чемпионатидаги «Кротоне»га қарши ўйин олдидан ўз фикрлари билан бўлишди.
Милан клуби «Кротоне»ни мағлуб этса ва «Аталанта» «Сассуоло»га қарши ўйинда очко йўқотса, чемпионликни муддатидан олдин ҳал қилади.
«Йигитлар буни тушуниб туришибди, эртага «Интер» шу ишни қилиши лозим. Агар бундай бўлмаса, бизни ёқимсиз сюрприз кутмоқда.
Рақибни ҳурмат қиламиз. »Кротоне«да мотивация етарли, улар А Серияда қолишга лойиқ эканликларини исботлашни исташмоқда.
Рақиб жамоа ва биз ҳам чарчоқни ҳис қилишимиз мумкин, лекин биз тарихий воқеага эришишни мақсад қилганмиз.
Шунинг учун, чарчоқ ҳолати бўлади деб ўйламайман. Агар кимдир чарчаган бўлса, яхши менга айтсин ва захира ўриндиғига бориб жойлашсин», — деди Конте.
