«Манчестер Сити» бош мураббийи Хосеп Гвардиола муваффақиятли жамоа рецепти билан ўртоқлашди.
«Сиз мавсумларнинг бирида ниманидир ютишингиз мумкин, аммо барқарорликни йиллар давомида сақлаб қолиш учун фақат битта сир бор - сизга сифатли ўйинчилар керак.
Биз юқори савияда узоқроқ туришимиз учун иложи борича яхши ўйинчиларни сотиб олишга ҳаракат қиламиз», - дейди испаниялик мутахассис.
Маълумот ўрнида, «Манчестер Сити» Премьер-лиганинг 33 туридан сўнг, 77 очко тўплаб, пешқадамлик қилмоқда ва энг яқин таъқибчисидан 10 очко олдинда.
Эслатиб ўтамиз, Чемпионлар Лигасида Гвардиола шогирдлари ярим финалга қадар этиб бориб, биринчи ўйинда ПСЖни 2:1 ҳисобида мағлуб этишган.
