Осиё Чемпионлар Лигаси гуруҳ босқичи 6-тури доирасида ОКМК 30 апрель, жума куни «Истиқлол» билан баҳс юритди.

Ўртача темпда ўтган биринчи бўлимда дарвозалар дахлсиз қолди. Иккинчи 45 дақиқаликда захирадан майдонга тушган Зафар Полвонов қанотдан оширилган тўпни боши билан дарвозага жойлаб қўйди. 79-дақиқага келиб, Йовон Жокич ҳисобни оширди. Тожик жамоаси бу голларга 87-дақиқада пенальтидан урилган гол билан жавоб қайтарди.

Жамоаларнинг биринчи давра доирасида ўтказилган ўйинида 3:2 ҳисобида Тожикистон клубининг қўли баланд келганди.

Шу тариқа А гуруҳи якунларига кўра Миржалол Қосимов жамоаси 7 очко билан сўнгги ўринни банд этди. «Истиқлол» эса (10) 1-поғонани эгаллади.

Гуруҳнинг иккинчи ўйинида «Шабоб ал-Аҳли» «Ал-Ҳилол» билан баҳс юритди. Учрашувнинг 54-дақиқасида ўзбекистонлик ярим ҳимоячи Жалолиддин Машариповга нисбатан жарима майдончаси ичида қўполлик ишлатилди. Пенальтини эса Игорь Жезус муваффақиятли амалга оширди. 90+1-дақиқада эса Жезус дублни расмийлаштирди.

ОЧЛ, гуруҳ босқичи, 6-тур
«Истиқлол» — АГМК 1:2
Голлар: 0:1 — 67 Полвонов, 0:2 — 79 Жокич.
«Истиқлол»: 1.Рустам Ятимов, 3. Андрей Мишченко, 4. Вахдат Ханонов, 9. Рустам Зоиров, 10. Алишер Жалилов, 11. Муҳаммаджон Раҳимов, 19. Ахтам Назаров, 21. Алексей Ларин, 55. Манучер Сафаров, 63. Манучехр Жалилов, 70. Шаҳрам Сулаймонов (Жўраев, 81).
АГМК: 1.Ботирали Эргашев, 77.Дилшод Аҳмадалиев (20.Мирғиёс Сулаймонов, 71), 15.Аббос Отахонов, 7.Сардор Раҳмонов, 2.Акром Комилов, 23.Йован Жокич, 17.Санжар Турсунов (5.Дилшод Жўраев, 60), 4.Миржамол Қосимов (9.Зафар Полвонов, 46), 94.Элвин Фортес (11.Мурод Тошматов, 63), 18.Александр Касян, 28.Шоҳрух Гадоев (10.Ҳусниддин Ғофуров, 46).
Огоҳлантиришлар: Сардор Раҳмонов (54), Андрей Мишченко (76).

«Ал-Ҳилол» — «Шабоб аҳ-Аҳли» 0:2
Гол: 0:1 — 54 Жезус, 0:2 — 90+1 Жезус.