«Реал Мадрид» ва жамоа сардори Серхио Рамос ўртасидаги шартномани узайтириш бўйича музокара боши берк кўчага келиб улгурган.
Marca нашрининг ёзишича, ушбу масаладаги вазият январдан бери ўзгармаган. Испаниялик 2 йиллик шартнома хоҳламоқда ва клуб унга таклиф қиладиган маош жуда муҳим эмас. Рамос ўзининг кўрсатган ўйини клубда яна 2 мавсум қолишига лойиқ эканлигига ишонмоқда.
Мадрид раҳбарияти эса шартнома муддатини узайтирмоқчи эмас. Унинг амалдаги шартномаси жорий йилнинг ёзида якунланади.
«Қироллик клуби» айни вақтда Рафаэл Варан ҳамда Начо Фернандеснинг шартномаларини узайтириш бўйича музокара ўтказмоқда. Уларнинг шартномаси келаси йилнинг ёзида тугайди.
Франциялик билан музокара осон ўтаётгани йўқ. «Реал» яна бир бор ўйинчига таклиф билан чиқади, агар у рад этса трансферга қўйилади. Начо билан эса муаммо йўқ. У «Реал»да қолишни истайди.
