Footy Headlines портали «Боруссия» Дортмунднинг 2021/22 йилги мавсум учун янги уй либослари суратларини жойлаштирди. Янги футболкаларнинг ўзига хос хусусияти - ундаги чизиқ туширилган енглар. Кийим Puma томонидан ишлаб чиқилган.
Янги дизайн клуб тарихидаги асосий воқеа - 1997 йилдаги Чемпионлар Лигасидаги ғалабани назарда тутади. Эслатиб ўтамиз, ўшанда дортмундликлар «Ювентус»ни 3:1 ҳисобида мағлуб этишган эди.
Айни дам «Боруссия» 31-тур ўйинларидан сўнг Бундеслига жадвалида 5-ўринни эгаллаб турибди.
