"Челси" ярим ҳимоячиси Кай Хавертс жамоанинг АПЛ 34-турида "Фулхэм" устидан қозонилган ғалабаси (2:0) ҳақида фикр билдирди.
"Бу жуда муҳим эди. Биз Премьер-лигада кучли тўртликка киришимиз керак. Бу бизнинг мавсумдаги мақсадимиз. Бизни чоршанба куни яна бир муҳим ўйин кутиб турибди, шунинг учун бугунги ғалабадан хурсандмиз. Ўйинда тезкор гол урдим, бу эса менга озгина ишонч берди. Умид қиламанки, чоршанба куни ҳам гол ураман", - дейди футболчи.













