«Милан»нинг техник директори Паоло Малдини клуб билан шартномасини узайтиришни талаб қилган мухлислардан таҳдид олган дарвозабон Жанлуижи Доннаруммани ҳимоя қилди.
«Шуни аниқ айтиш керакки, майдонга ким тушишини ва шартномани ким янгилашини «Милан»дан бошқа ҳеч ким ҳал қила олмайди. Ўйин учун таркиб танлаш мураббийнинг ваколатига киради. Шартномалар бўйича масалаларни эса клуб раҳбарияти ҳал қилади.
Бундан буён жамоанинг диққатини майдонга қаратиш учун янги шартномалар бўйича ҳар қандай музокаралар мавсум охирига қолдирилди.Биз ҳар доимгидек футболчиларни ҳимоя қилишни давом эттирамиз»,-деди Малдини ANSAга.
