«Реал» дарвозабони Тибо Куртуа ўзининг орзулари ҳақида гапириб берди.
«Мен Чемпионлар Лигасида ғолиб чиқишни истайман, чунки ҳаммаси майда-чуйда нарсаларга боғлиқ. «Реал» билан бундай совринга эга чиқиш ва Белгия терма жамоаси билан ниманидир ютиб олиш асосий орзуларимдир. Менга шу иккита нарса етишмаяпти. Умид қиламанки ҳаммаси олдинда», - дейди белгиялик посбон.
Эслатиб оʻтамиз, 28 ёшли Куртуа «Реал» сафида 2018 йил августидан буён ўйнаб келмоқда.
Маълумот учун, дарвозабон ушбу мавсум барча мусобақаларда «қаймоқранглилар» сафида 46 ўйинда майдонга тушиб, ўз дарвозасидан 38 гол ўтказиб юборган. Тибонинг Мадрид клуби билан шартномаси 2024 йил 30 июнгача амал қилади.
