«Real» darvozaboni Tibo Kurtua o‘zining orzulari haqida gapirib berdi.
«Men Chempionlar Ligasida g‘olib chiqishni istayman, chunki hammasi mayda-chuyda narsalarga bog‘liq. «Real» bilan bunday sovringa ega chiqish va Belgiya terma jamoasi bilan nimanidir yutib olish asosiy orzularimdir. Menga shu ikkita narsa yetishmayapti. Umid qilamanki hammasi oldinda», - deydi belgiyalik posbon.
Eslatib oʻtamiz, 28 yoshli Kurtua «Real» safida 2018 yil avgustidan buyon o‘ynab kelmoqda.
Ma’lumot uchun, darvozabon ushbu mavsum barcha musobaqalarda «qaymoqranglilar» safida 46 o‘yinda maydonga tushib, o‘z darvozasidan 38 gol o‘tkazib yuborgan. Tiboning Madrid klubi bilan shartnomasi 2024 yil 30 iyungacha amal qiladi.
