«Барселона» ҳужумчиси Лионель Месси Испания чемпионатининг 34-тури доирасида бўлиб ўтган «Валенсия»га қарши ўйиндаги ғалабани нишонлаш мақсадида ўз уйида футболчилар учун тушлик ташкил қилди. Бу ҳақда Diario Sport хабар тарқатди.
Аргентиналик футболчининг уйида клубнинг барча аъзолари иштирок этишди. Месси "Атлетико"га қарши ўйин арафасида ўз жамоадошларини руҳлантирди ҳамда "Барса"нинг Ла лигада ғолибликни қўлга киритишига ишонаётганини таъкидлади.
Манбага кўра, ҳозирда жамоа ҳар доимгиданда жипслашган ва футболчилар бунинг учун Кумандан миннатдор бўлишмоқда.