"Барселона" клуби Испания чемпионатининг 35-туридан ўрин олган "Атлетико"га қарши учрашувда махсус формада ўйнайдиган бўлди.
Каталонияликлар "матрасчилар"га қарши баҳсда сўнгги "эл-класико"да кийган формаларидан фойдаланадиган бўлишди. Эслатиб ўтамиз, Ла лиганинг 30-туридан ўрин олган "Реал"га қарши ўйинда "Барса" 1:2 ҳисобида ютқазган эди.
"Барселона" жорий мавсумда ушбу формадан бошқа фойдаланишни режа қилмаганди, аммо кўп сонли мухлислар жамоани яна бир марта бундай формада кўриш истагини билдиришди.
"Реал"га қарши тўқнашув олдидан "Барса" ушбу формаларни сотувга чиқарди ва у жуда кўп миқдорда сотилди.
