Мадриднинг «Реал» клуби ҳимоячиси Серхио Рамос ҳали Мадрид клуби билан янги шартнома борасида музокара олиб боролмаяпти.
Mundo Deportivo хабарига кўра, Испания терма жамоаси сардори янги келишувга кўра ҳар мавсум учун 12 миллион евро олмоқчи бўлган. Томонлар битимнинг ушбу қисмига келганда якуний қарорни чиқаришда қийналмоқда.
Чунки «Реал» ўз навбатида шунча маблағни ёшроқ футболчи - Давид Алабага сармоя қилишни афзал кўрди. Томонлар мавсум якунлангандан сўнг ушбу трансферни расман эълон қилади.
Жорий мавсум Рамос Ла Лигада 15 та ўйин ўтказиб, иккита гол уришга муваффақ бўлди.
