Мадриднинг "Реал" ва Парижнинг "ПСЖ" клублари катта келишув арафасида. Париж нашрларининг хабар беришича, Франция ва Испания гигантлари ҳимоячиларни алмаштиришга тайёр.
"Реал Мадрид" ҳимоя чизиғини кучайтиришга интилмоқда ва "Бавария"дан Давид Алаба трансфери бўйича музокаралар олиб бормоқда. "Қаймоқранглилар" австриялик билан жуфтликда "ПСЖ" сардори Маркиньос билан шартнома имзоламоқчи.
Қарама-қарши йўналишда клуб билан янги шартнома борасида келиша олмайдиган "галактикос" сардори Серхио Рамос Парижга йўл олиши мумкин.
35 ёшли Рамоснинг трансфер қиймати 14 миллион еврони ташкил этадиган бўлса, 26 ёшли Маркиньоснинг нархи 70 миллион еврони ташкил қилади. Буни ёдда тутган "ПСЖ" "Реал" дан қўшимча тўлов талаб қилмоқда.
