"Барселона" Испания чемпионатининг 35-турида Мадриднинг "Атлетико" жамоасига қарши ўйинда махсус формада майдонга тушади.

Ушбу форма консепцияси вертикал чизиқлар тасвири билан учта рангда - кўк, анор ва сариқ рангларда яратилган. Чизиқлар Каталония байроғига ҳавола. Худди шу формада "кўк-аноррангилар" ушбу мавсум "Реал"га қарши (2:1) ўйнашганди.

Каталония клуби 8-май шанба куни "Атлетико" билан тўқнаш келади. Ушбу учрашув олдидан "матрасчилар" 76 очко билан Ла Лига турнир жадвалида пешқадамлик қилмоқдалар, "Барселона" эса 2 очкога ортда қолмоқда.

34-турда "кўк-аноррангилар "Валенсия"ни 3:2 ҳисобида мағлуб этишди.