Бугун Ўзбекистон Суперлигаси 7-тур баҳслари давом эттирилади. Кун давомида миллий чемпионат мухлислари 3 та учрашувни томоша қилиш имконига эга.
“Машъал” ўз майдонида “Локомотив”ни қабул қилади. Водий дербисида “Андижон” ва “Қўқон-1912” жамоалари ўзаро куч синашади. Ҳар икки ўйин 17:00 да бошланади.
Куннинг сўнгги қарама-қаршилиги Бекободда “Металлург” ҳамда “Сўғдиёна” жамоалари ўртасида кечади. Ушбу баҳс 19:00 да старт олиши белгиланган.
Маълумот учун “Пахтакор” 5 ўйиндан сўнг 15 очко билан биринчи, “Сўғдиёна” эса 6 ўйинда 12 очко тўплаган ҳолда иккинчи ўринда боряпти.
