Хабарингиз бор, МЮ ҳамда «Ливерпуль» жамоалари ўртасидаги учрашув мухлислар келтириб чиқарган тартибсизлик сабаб номаълум муддатга қолдирилганди.
Энди ўйиннинг бошланиш саналари маълум қилинди. Унга кўра баҳс 13 май куни бўлиб ўтади. Бу ҳақда Премьер Лига матбуот хизмати маълум қилди.
Шу тариқа «Манчестер Юнайтед» 6 майдан 13 майгача 8 кун ичида тўртта учрашув ўтказади. 6 май куни жамоа Европа Лигаси ярим финали доирасида «Рома»га қарши баҳс олиб боради. 9, 11 ва 13 май кунлари эса «Астон Вилла», «Лестер» ва «Ливерпул»га қарши АПЛ учрашувлари бўлиб ўтади.
Қайд этиш керак, «қизил иблислар» 1992 йилнинг апрелидан бери илк бор беш кун ичида учта АПЛ ўйинида иштирок этади.