«Рома» бош мураббийлигига тайинланадиган Жозе Моуриньо «Манчестер Юнайтед» билан яримҳимоячи Неманья Матич трансфери борасида алоқада бўлди.
Римликларнинг янги мураббийи Жозе Моуриньо клуб раҳбариятидан мавсумолди пайти футболчини сотиб олишни сўрагани айтилмоқда. «Бўрилар» имкон қадар тезроқ Европа миқёсидаги йирик мусобақаларга қайтишни истайдилар ва трансфер бозорида фаол бўлишга интилмоқда.
Моуриньо аллақачон Матич билан «Челси» ва «Манчестер Юнайтед»да ишлаган. Жорий мавсум 32 ёшли ярим ҳимоячи барча турнирларда 31 учрашув ўтказди ва битта голли пас берди.
