"Рома"нинг келаси мавсумдан бошлаб бош мураббийига айланадиган Жозе Моуринё "Манчестер Юнайтед" дарвозабони Давид Де Хеанинг хизматларига қизиқиш билдирмоқда. Бу ҳақда "Корриере делла Сера" нашри томонидан хабар берилган. Манбанинг хабарига кўра, Моуринё ҳозирги асосий дарвозабон Пау Лопесга ўринбосар топмоқчи.

Шу билан бирга, португалиялик мутахассис "Эвертон" ижарасидан қайтаётган Робин Олсенга ишонмайди. Мураббий клуб Де Хеани сотиб олишига умид қилмоқда. Апрел ойида "қизил иблислар" испаниялик посбонни ижарага бериб юбориши мумкинлиги ҳақида хабарлар тарқалганди. Ушбу вариант иккала томон учун ҳам фойдали бўлади, чунки Давид кўпроқ ўйин амалиётига эга бўлади ва клуб шартномадаги тўловларни қисман камайтириши мумкин.