Мадриднинг «Реал» клуби бош мураббийи Зинедин Зидан ўтган чоршанба кунги Эден Азарнинг хатти-ҳаракатига изоҳ берди.
Эслатиб ўтамиз, белгиялик «қаймоқранглилар»нинг Чемпионлар Лигасидаги мағлубиятига қарамай, жуда яхши кайфиятда эди. У «Челси» футболчилари Эдуард Менди ва Курт Зумани қучоқлаб, кўтаринкилик билан кулиб юборган.
Шундан сўнг, қироллик клуби 30 ёшли футболчини трансферга қўйиши ҳақида маълумотлар пайдо бўлди. Бунинг учун улар 50 миллион евро талаб қилмоқдалар.
«Азар аллақачон содир бўлган нарса учун кечирим сўраган. У ҳеч кимни хафа қилмоқчи эмас эди. У «Реал»да ўйнашни давом эттиради. Биз у билан гаплашдик ва нима бўлганини муҳокама қилдик. Энди бу ўтмишда қолди», - дейди франциялик мутахассис.
