Madridning «Real» klubi bosh murabbiyi Zinedin Zidan o‘tgan chorshanba kungi Eden Azarning xatti-harakatiga izoh berdi.
Eslatib o‘tamiz, belgiyalik «qaymoqranglilar»ning Chempionlar Ligasidagi mag‘lubiyatiga qaramay, juda yaxshi kayfiyatda edi. U «Chelsi» futbolchilari Eduard Mendi va Kurt Zumani quchoqlab, ko‘tarinkilik bilan kulib yuborgan.
Shundan so‘ng, qirollik klubi 30 yoshli futbolchini transferga qo‘yishi haqida ma’lumotlar paydo bo‘ldi. Buning uchun ular 50 million yevro talab qilmoqdalar.
«Azar allaqachon sodir bo‘lgan narsa uchun kechirim so‘ragan. U hech kimni xafa qilmoqchi emas edi. U «Real»da o‘ynashni davom ettiradi. Biz u bilan gaplashdik va nima bo‘lganini muhokama qildik. Endi bu o‘tmishda qoldi», - deydi fransiyalik mutaxassis.
