Кириш Регистрация

Пике: «"Реал" 4 ўйинда ғалаба қозонса, чемпион бўлади, биз эса...»

Баҳо:
+ | -

«Барселона» ҳимоячиси Жерар Пике Испания чемпионатининг 35-туридан ўрин олган «Атлетико»га қарши учрашувдан(0:0) сўнг, фикр билдирди.

«Биз бундан яхши натижага умид қилгандик. «Барcелона» яхши ўйнади, бизда устунлик қилиш учун кўпроқ имкониятлар мавжуд эди. Афсуски, ҳаммаси бизга боғлиқ эмас, лекин унвон учун кураш давом этмоқда.

«Атлетико» ҳимоявий ўйин намойиш этиш борасида чемпионатнинг энг яхши жамоаси, шу сабабли улар энг кам гол ўтказиб юборган, уларга қарши вазият яратиш қийин. Ўйиннинг айрим босқичларида биз устунлик қилдик, бошқаларида эса уларну яхшироқлиги кўзга ташланди.

Агар «Реал Мадрид» тўртта ўйинда ҳам ғалаба қозонса, улар чемпион бўлишади. Биз учта ўйинда ҳам ғалаба қозонишимиз керак, шунда бизда ҳам имконият бўлади. Бизнинг мақсадимиз охиригача курашиш ва биз айнан шундай қиламиз.

Бизнинг бундай вазиятга тушиб қолишимизга, мавсум давомида максимал даражани намойиш этмаганимиз сабабчи. Гарчи сўнгги ойларда биз ажойиб футбол намойиш этаётган бўлсакда», - дейди испаниялик ҳимоячи.

Маълумот учун, «Барcелона» 35 ўйинда 75 очко тўплаган ва Испания чемпионати турнир жадвалида 77 очко жамғарган Атлетикодан кейин иккинчи ўринда бормоқда. Учинчи поғонада эса 74 очкоси мавжуд «Реал Мадрид»

Манба: Marca
Киритилди: 23:34, 08.05.2021.
Ўқилди: 22762 марта.
Фикрлар: 0 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.