“Ливерпуль” бош мураббийи Юрген Клопп жамоасиинг АПЛ 35-турида “Саутгемптон” (2:0) устидан қозонилган ғалабасига изоҳ берди.
“Оғир бўлишини билардик. Ғалаба қозонишнинг ягона йўли – кўпроқ меҳнат қилиш лозим эди ва биз буни уддаладик.
Рақиб жамовий ўйинни яхши ташкил эта олади. Улардаям яхши имкониятлар бўлди. Биз ўзимиз ҳам яхши вазиятни тақдим этдик. Аммо биз уч очкога лойиқ эдик. Биринчи гол ажойиб тарзда киритилди. Иккинчи голга қадар ғалабамиз хавотир остида эди. Иккинчи гол ўйин тақдирни ҳал этди.
Кучли тўртликка кириш учун курашда давом этамиз. Бунга эришиш иложсиз эмас, аммо жуда қийин. Ҳаракатда давом этамиз, натижасини эса мавсум якунида кўрамиз”, деди Клопп.
