«Эвертон» бош мураббийи Карло Анчелотти АПЛнинг 35-туридан ўрин олган «Вест Хем»га қарши (1:0) учрашувдан сўнг, фикр билдирди.

«Менинг футболчиларим ўйиннинг кечишига яхши мослаша олишди. Биз жуда яхши ҳимояландик ва бу умуман осон бўлмади.

Бўш ҳудудларни яхшилаб ёпдик ва ўзимиз қарши ҳужумда ўйнашга ҳаракат қилдик. Ҳар доим, меҳмонда ғалаба қозонганимизда, биз айнан шу турдаги футболни намойиш этдик. Ушбу мавсумда биз сафарда 11 ўйинда ғалаба қозондик ва бу жуда яхши.

Биз бугун ҳаёт-мамот учрашув эканлигини билар эдик, чунки ютқазсак, шубҳасиз, халқаро майдон йўлланмасидан бебаҳра қолар эдик.

«Вест Хем» тўпга кўпроқ эгалик қилишидан хавотирланмадим, чунки тўп назорати гол уришни англатмайди. Биз тўпга жуда кўп ва тез-тез эгалик қиладиган жамоа эмасмиз, чунки бизда ҳар хил услублар бор», - дейди италиялик мутахассис.

Маълумот учун, «Эвертон» 34 турдан сўнг, 55 очко жамғарган ҳолда АПЛ турнир жадвалида саккинчи ўринни эгаллаб турибди.