«Манчестер Юнайтед» яримҳимоячиси Бруну Фернандеш Премьер-лига жорий мавсумининг энг яхши футболчиларини танлади.

«Фақат битта ўйинчини кўрсатиш қийин. Ўйлайманки, Кевин де Брюйнени энг яхши футболчилардан бири деб ҳисоблашимни кўпчилик билади. «Ливерпуль» таркибига назар солсак, уларда Салоҳ бор. У ҳар қандай ҳолатда ҳам гол ура олади. Ҳарри Кейн «Тоттенҳэм» сафида яхши ўйинлар кўрсатмоқда. «Лидс»даги Рафиньяни ҳам алоҳида эътироф этиш мумкин.

Айтайлик, Илкай Гундўған декабрь ойида ажойиб ҳаракат қилганди. Сўнгги 10та ўйинда Лингард ўзини кўрсата олди. Мэйсон Маунтнинг «Челси»даги ўйинлари таҳсинга сазовор. Грилиш ҳам жароҳатига қадар яхши натижа кўрсатаётганди. Патрик Бэмфорд ҳам кўп гол урди. Очиғини айтсам, фақат битта футболчини кўрсата олмайман», — дея Фернандешнинг сўзларини келтирмоқда Metro.