«Manchester Yunayted» yarimhimoyachisi Brunu Fernandesh Premyer-liga joriy mavsumining eng yaxshi futbolchilarini tanladi.
«Faqat bitta o‘yinchini ko‘rsatish qiyin. O‘ylaymanki, Kevin de Bryuyneni eng yaxshi futbolchilardan biri deb hisoblashimni ko‘pchilik biladi. «Liverpul» tarkibiga nazar solsak, ularda Saloh bor. U har qanday holatda ham gol ura oladi. Harri Keyn «Tottenhem» safida yaxshi o‘yinlar ko‘rsatmoqda. «Lids»dagi Rafinyani ham alohida e’tirof etish mumkin.
Aytaylik, Ilkay Gundo‘g‘an dekabr oyida ajoyib harakat qilgandi. So‘nggi 10ta o‘yinda Lingard o‘zini ko‘rsata oldi. Meyson Mauntning «Chelsi»dagi o‘yinlari tahsinga sazovor. Grilish ham jarohatiga qadar yaxshi natija ko‘rsatayotgandi. Patrik Bemford ham ko‘p gol urdi. Ochig‘ini aytsam, faqat bitta futbolchini ko‘rsata olmayman», — deya Fernandeshning so‘zlarini keltirmoqda Metro.
