«Милан» ҳужумчиси Златан Иброҳимовичнинг агенти Мино Райола мижози фаолиятини айнан россонерилар таркибида якунлашини айтиб ўтди. Бу ҳақда «GR Parlamento» хабар бермоқда.
«Златан «Милан»да юқори савияда ўйин кўрсатишда давом этиб, фаолиятини айнан шу ерда якунлаш ниятида. «Милан» унинг фаолиятидаги сўнгги топ-клуб бўлиб қолади», деди агент.
«Ким билади, келажакда у футбол ўйнаш учун Америкага йўл олиши ҳам мумкин. Хитой ёки Россияга бормаса керак, деб ўйлайман», деди Райола.
«Жамоада Златаннинг ҳеч ким билан муаммоси йўқ. У барча жамоадошлари билан яхши муносабатда. Келишмовчиликлар ҳақидаги ҳар қандай гап-сўзлар эса уйдирмадан бошқа нарса эмас», дея қўшимча қилди Златан Иброҳимовичнинг агенти Мино Райола.