"Манчестер Сити" ҳимоячиси Эмерик Льяпорт расман Испания терма жамоасида ўйнаш ҳуқуқини қўлга киритди.
26 ёшли ўйинчининг маҳаллийлаштирилиши Вазирлар Кенгаши томонидан тасдиқланди. Эмерик Испания фуқаролигига эга бўлди ва ҳужжатлар бугун расмийлаштирилди.
Футболчи Францияда таваллуд топган, лекин унинг илдизи баскларга бориб тақалади. Льяпорт профессионал фаолиятини "Атлетик Билбао"да бошлаган ва 2018 йилнинг январида 57 млн фунт эвазига "Манчестер Сити"га бориб қўшилган.
Льяпорт Франциянинг асосий терма жамоасида бирорта ўйинда майдонга тушмаган, лекин ёшлар жамоасида майдоннга тушган. Шунга қарамай, ФИФА унга футбол фуқаролигини ўзгартиришга рухсат берди.
Бир неча ҳафта олдин, Испания терма жамоаси устози Луис Энрике мамлакат Футбол Федерациясига Льяпортнинг маҳаллийлаштирилиши масаласида имкон бор ёки йўқлигини ўрганишини сўраганди.
Футболчи жорий мавсум барча мусобақаларда "Манчестер Сити"нинг 27 ўйинида ҳаракат қилди.
