Forbes дунёдаги энг бой спортчилар рўйхатини эълон қилди (2020 йил 1 майдан 2021 йил 1 майгача).

Биринчи ўрин UFCнинг икки вазн тоифасидаги жангчиси Конор Макгрегорга тегишли бўлиб, унинг даромади 150 миллион долларга баҳоланди.

Иккинчи ўрин 130 миллион доллар эгаси бўлган «Барселона» футболчиси Лионель Мессига насиб этди.

«Ювентус» ҳужумчиси Криштиану Роналду эса 120 миллион доллар даромади билан учинчи ўринни банд этди.

Кучли учлик, келаси йил ўзгариши мумкин, чунки «Ювентус» Чемпионлар Лигасига чиқа олмаса, молиявий муаммоларга дуч келади, бу эса Роналдуга ҳозиргидек пул тўлашга имкон бермайди.

Месси «Барселона» билан шартномани узайтиришга яқин турибди, ўз-ўзидан бу футболчининг маоши бироз кўтарилишини англатади.