Душанба-сешанба кунлари Саудия Арабистонида Валиаҳд шаҳзода кубогининг чорак финал учрашувлари ўтказилди.

Биз учун эътиборлиси – таркибида терма жамоамиз сардори Сервер Жепаров ҳаракат қилаётган Риёзнинг «Аш-Шабоб» клуби ўз майдонида Жидданинг «Ал-Аҳлий» жамоасини қабул қилиб, сўнгги сонияларда имкониятни бой бериб қўйди.

Гол муаллифи – «Ал-Аҳлий»нинг 2-бўлим бошидан майдонга туширилган уммонлик легионери Эмад ал-Ҳусний бўлди.

Жепаров 85-дақиқагача майдонда тўп сурди, ўйин асосий вақти тугашига 5 дақиқа қолганда Абдуллоҳ Суҳайлга алмаштирилди.

Таъкидлаш жоизки, Жепаров жамоадошларидан Умар ал-Ғамдий 33-дақиқада қизил карточка олиб майдонни тарк этган эди.

Саудия Арабистони Валиаҳд шаҳзода кубоги. Чорак финал

АШ-ШАБОБ – АЛ-АҲЛИЙ* 0:1 (0:0)
Гол: Эмад ал-Ҳусний (90+3)
Огоҳлантиришлар: Фернандо Менегаццо (22) – Соҳиб ал-Абдуллоҳ (43), Комил ал-Мур (51), Эмад ал-Ҳусний (53)
Четлатиш: Умар ал-Ғамдий (33)

Қолган учрашувлар қуйидагича якунланди:
АЛ-ҲИЛОЛ* – АН-НАСР 4:1 (3:0)
Голлар: Ю Бюнг-Су (4, 50), Муҳаммад ал-Шалҳуб (22-пен.), Абдулазиз ад-Досарий (23) – Муҳаммад ас-Саҳлавий (60)

АЛ-ИТТИҲОД* – Ал-ФАЙСАЛИЙ 1:0 (0:0)
Гол: Муҳаммад Абусабон (74)

АЛ-ИТТИФОҚ* – НАЖРОН 3:0 (1:0)
Голлар: Юсуф ас-Салим (10), Себастьян Тальябуэ (53), Яҳё аш-Шаҳрий (65)

Ярим финал ўйинлари қуйидаги саналарда бўлиб ўтади:
27.01 22:05 АЛ-ҲИЛОЛ – АЛ-ИТТИҲОД
28.01 22:05 АЛ-АҲЛИЙ – АЛ-ИТТИФОҚ