L'Equipeнинг хабар беришича, Франция чемпионати доирасидаги ПСЖнинг «Ренн»га қарши учрашувидан сўнг, клуб раҳбарлари ўртасида Камавинганинг трансфери борасида суҳбат бўлиб ўтган.
Эдуардонинг шартномаси 2022 йил ёзида ўз ниҳоясига этади, шу сабабли «Ренн» уни арзон нархда сотиш вариантларини қидирмоқда, чунки яримҳимоячи билан янги шартнома тузишга футболчининг ўзи қарши.
Олдинроқ «Барселона» ва «Бавария»дан франциялик футболчига қизиқиш борлиги ҳақида хабар берган эдик.
Камавинга ушбу мавсум «Ренн» таркибида барча турнирларда 37 учрашув ўтказди ва 1 гол уриб 3 голга узатма берди.
