АПЛ қолдирилган тури доирасидаги ўйиндан сўнг "Ливерпуль" бош мураббийи Юрген Клопп МЮга қарши сафар баҳсидаги ғалабадан сўнг (4:2) ўз фикрларини билдирди.
"Шу суратдаги футболни кутгандим. Дербилар шундай бўлиши лозим. Бу "Олд Траффорд"даги биринчи ғалабам. Ажойиб лаҳзалар деган бўлардим. Ушбу ғалаба бизга керак эди. Бунга лойиқмиз. Супер.
Яхши голлар урилди. Уларнинг голига биз ажойиб жавоб қайтардик. Дастлабки 15 дақиқада ўйинимиз яхши чиқмади, аммо кейин ўйин назоратини қўлга олдик ва истаганимизча ҳаракат қилдик", - деди Клопп.
