«Манчестер Юнайтед» ҳали ҳам «Боруссия» вингери Жейдон Санчони сотиб олиш вариантидан воз кечмаган. "Манкунианлар" Дортмунд клубига ўз футболчисини алмашишни таклиф қилади.
Бу ҳақда Британия матбуоти хабар бермоқда. МЮ Санчо учун 100 миллион евродан ортиқ бўлган товон пулини тўлай олмайди. Футболчининг нархини пасайтириш учун клуб яримҳимоячи Жесси Лингардни трансферга қўшиб бермоқчи. Лингард ҳозирда «Вест Хем» сафида ижарада тўп тепмоқда.
Эслатиб ўтамиз, кеча «Боруссия» Санчо ва Холанднинг дубли эвазига Германия кубогини қўлга киритди.
