Ушбу ёзда «Лион»дан эркин агент мақомида кетадиган Мемфис Депай «Барселона» билан шартнома имзолаши мумкин. «Кўк-анорранглилар» футболчиси бўлиш учун Депай ҳатто иш ҳақини камайтиришга ҳам рози бўлди.
Аммо, Депайнинг трансфери 100% амалга ошадиган иш эмас. Чунки нидерландиялик ҳужумчи, ҳамюрти Роналд Куман жамоа бошқарувида қолсагина, «Барселона»га ўтади. Агар каталонияликлар президенти Хуан Лапорта мураббийни ўзгартирмоқчи бўлса, вазият ўзгариши мумкин.
Эслатиб ўтамиз, Роналд Куман Мемфис Депайни ўтган йили сотиб олмоқчи эди, аммо томонлар ўзаро келиша олишмаган.
