Бугун Австралия «А» лигасида 27-турнинг олдинга сурилган 1 та учрашуви ўтказилди. ОЧЛ шарқий зонаси «Е» гуруҳи бўйича «Бунёдкор» рақиби ҳисобланадиган «Аделаида Юнайтед» клуби ўзининг «Ҳайндмарш» стадионида «Ньюксл Жетс» клубини қабул қилди ва 1:1 ҳисобидаги дурангга имзо чекди.
«Аделаида»нинг ҳолландиялик легионери Сержиньо ван Дийк 57-дақиқада ҳисобни очган бўлса-да, мезбонларга 3 очко ҳадия этиши мумкин бўлган ҳисоб 15 дақиқа сақланиб турди, холос. 72-дақиқада меҳмонлардан Жоб Уилҳаус жавоб тўпини киритди ва ўйин сўнгига қадар ҳисоб ўзгармади.
АДЕЛАИДА ЮНАЙТЕД — НЬЮКАСЛ ЖЕТС 1:1 (0:0)
Гол: Сержиньо ван Дийк (57) — Жоб Уилҳаус (72)
1 очко жамғарган «Аделаида» турнир жадвалида 1 поғона кўтарилди ва 20 олчко жамғарган ҳолда 7-ўринга жойлашди.
