"Фенербахче" раҳбарияти Йоахим Лёвни клуб бош мураббийига таклиф қилиш устида ишламоқда, деб хабар бермоқда "lequipe.fr". Эслатиб ўтамиз, март ойида "Фенербахче" раҳбарияти жамоа мураббийи Эрол Булутни ишдан бўшатган эди. Шундан сўнг, Эмре Березоглу турк клуби бош мураббийи вазифасини бажарувчи этиб тайинланди.

Лёв Германия терма жамоасини 2006-йилдан бери бошқариб келади. Унинг бошчилигида терма жамоа олтита йирик турнирда қатнашди ва 2014-йилда жаҳон чемпиони бўлишга муваффақ бўлди. Шунингдек, Германия терма жамоаси Европа чемпионатининг кумуш ва икки карра бронза ва Жаҳон кубогининг бронза медалига сазовор бўлди. 2017-йилда жамоа Конфедерациялар кубогини қўлга киритди.