"Рома" ярим ҳимоячиси Генрих Мхитарян Пауло Фонсека ва Жозе Моуриньо ҳақида гапирди. Унинг учун мураббийнинг муваффақиятли ишлашининг асосий мезони - қўлга киритилган кубоклар.
"Фонсека ва Моуриньо ўртасидаги фарқ нимада эканлигини билмайман. "Манчестер Юнайтед" билан ҳам яхши ўйнадик ва учта соврин ютдик. Асосийси, ниманидир ютиб олиш. Жозенинг келиши "Рома"га ғалаба қозонишга ёрдам берадими ёки йўқлигини билиб олайлик. Ушбу мутахасис жамоамизга келса ҳаммаси ажойиб бўлади", - деди Мхитяран.