Милан А Сериянинг 37-турида «Кальяри»ни мағлубиятга учрата олмади.

Энди жамоа ЕЧЛга чиқишни истаса, сўнгги турда «Аталанта»ни мағлуб этиш зарур. Ўйиндан сўнг жамоа бош мураббийи Стефано Пиоли ўз фикрларини билдирди.

“Биз ушбу мавсум ажойиб миссияни амалга оширдик. Албатта, ҳозир бироз умидсизлик бор. Биз биламизки, «Аталанта» мен Миланда бўлганимда мағлуб бўлмаган ягона жамоа.

Шубҳасиз, бунга эришиш учун барча имкониятларни ишга солиш керак. Бугунги ҳолатимиз «Кальяри»га ҳеч қандай босимсиз ўйнашга имкон берди. Агар сиз қатъиятли бўлмасангиз, унда қийинчиликларга дуч келасиз. Дастлабки дақиқалардаёқ темпни йўқотмаслигимиз керак эди.

Ўйинимизни ҳисобга олсак, Чемпионлар Лигасидан маҳрум бўлиш кишини жуда асабийлашади. Шу билан бирга, буни муваффақиятсизлик деб бўлмайди.

Яқин келажакда бунга эришиш учун асос яратганимизни ҳис қиламан. Бу мажбурият эмас, балки мавсум бошидаги мақсад эди», - дея тушунтирди Пиоли.