Шимолий Корея 2022 йилда Қатарда ўтадиган футбол бўйича жаҳон чемпионатининг саралаш босқичида иштирок этишдан воз кечди. Бу ҳақда Осиё футбол конфедерацияси маълум қилди.
Шимолий Корея терма жамоаси H гуруҳида иштирок этган ва 5та ўйинни ўтказишга улгурганди. Ушбу гуруҳда, шунингдек, Жанубий Корея, Ливан, Шри-Ланка ва Туркманистон ўйнайди. Гуруҳдаги жорий вазиятга кўра, Шимолий Корея 8 очко билан 4-ўринни эгаллаётганди, Туркманистон эса пешқадам бўлиб турибди.
Эндиликда ушбу ҳолат ФИФА ташкилий қўмитасида кўриб чиқилади. Бу билан боғлиқ ҳолда Н гуруҳидаги ўйинлар жадвалида юз берадиган ўзгаришлар ҳақида кейинроқ маълум қилинади.
Аввалроқ Шимолий Корея коронавирус билан боғлиқ хавотир сабабли Токио Олимпиадасида иштирок этишдан бош тортганди.
