Мадриднинг «Реал» клуби мухлислари Зинедин Зидан кетганидан кейин жамоани Раул бошқаришини исташмоқда. Бу ҳақда Marca ҳабар беради.
Нашр жамоанинг бош мураббийи сифатида кимни кўришни хоҳлашларини билиш учун клуб мухлислари ўртасида сўровнома ўтказди.
Овоз беришда 150 мингдан ортиқ киши иштирок этди. «Реал» Мадриднинг иккинчи жамоаси устози Рауль Гонсалес 57 фоиз овоз тўплаган.
Овоз беришда иккинчи ўринни Германия терма жамоасининг ҳанузгача амалдаги мураббийи Йоахим Лёв эгаллади. Немис 17 фоиз овоз олган.
ОАВ хабарларига кўра Зидан кетганидан кейин «Реал» устозлиги йўлида фаворит бўлган Массимилиано Аллегри атиги 10 фоиз овоз тўплаган.
