Дуглас Коста ўзининг собиқ жамоаси "Гремио"га қайтиш арафасида. Ҳозирда томонлар ўртасида музокаралар олиб борилмоқда.
"Ювентус" расмий равишда футболчи билан шартнома тузишимизга рухсат берди. Сешанба ёки чоршанба кунлари келиши учун биз ҳужжатларни кутмоқдамиз ва трансфер ойнаси ёпилишидан олдин футболчини рўйхатдан ўтказиш учун етарли вақтимиз бор. Биз некбинмиз", - дейди "Гремио" вице-президенти Маркос Ҳеррманн.
Дуглас Костанинг "Ювентус" билан шартномаси 2022-йилда тугайди. 30 ёшли ярим ҳимоячи ушбу мавсумда "Бавария" билан 11 та лига ўйинларини ижара футболчиси сифатида ўтказиб, битта гол битта голли узатмани амалга оширди.
