Бугун Қатар Юлдузлар Лигасида 14-тур учрашувларининг иккитаси бўлиб ўтди. Доҳанинг «Лахвия» клуби «Ал-Жайиш» майдонига сафар қилиб қийин ғалабани қўлга киритди – 2:3.
Икки ўйинки таркибида Жасур Ҳасановга жой топиб бера олмаётган «Қатар СК» меҳмонда «Ал-Харитият»дан мағлубиятга учраб қайтди – 1:2.
Айни вақтда «Лахвия» Осиёнинг амалдаги чемпиони «Ас-Садд»нинг 1 та ўйин кам ўтказгани шарофати билан 28 очко тўплаган ҳолда турнир жадвалида карвонбошилик қилмоқда.
АЛ-ЖАЙИШ – ЛАХВИЯ 2:3 (1:1)
Голлар: Вагнер Риберо (10), Адриано (65-пен.) – Бакари Коне (7), Мажид Буғарра (69), Даме Траоре (90)
АЛ-ХАРИТИЯТ – ҚАТАР СК 2:1 (1:0)
Голлар: Дарио Хан (33), Абдуллоҳ Абдурраҳмон (88) – Абдуссалом Уадду (71)
Эртага 14-тур доирасида «Ал-Ғаррафа» - «Ал-Арабий», «Ал-Аҳлий» - «Ас-Садд»; индинга «Ар-Райян» - «Ал-Хор», «Умм Салал» - «Ал-Вакра» учрашувлари ўтказилади.
