Футбол бўйича Англия Премьер Лигасининг 37-туридан ўрин олган баҳсда “Манчестер Юнайтед”  “Фулхэм” билан баҳс юритди.

Учрашувнинг 15-дақиқасида Эдинсон Кавани ҳисобни очди. Уругвайлик ҳужумчи ушбу вазиятда чамаси майдон марказидан зарба йўллаб, дарвозани аниқ нишонга олди. 76-дақиқага келиб эса Жо Брайен мувозанатни тиклади. Шундан сўнг дарвозаларга бошқа тўп киритилмади. Шу тариқа манчестерликлар ўз майдонида кечган баҳсда аутсайдерни мағлуб этолмади.

Ушбу дурангдан кейин “қизил иблислар”нинг очколари 71 тага етди ва мавсумни иккинчи ўринда якунлаши расман аниы бщлди. “Фулхэм” эса 28 очко билан 18-ўринни банд этган.

“Манчестер Юнайтед” — “Фулхэм” 1:1

Голлар: 1:0 – 15 Кавани, 1:1 – 76 Брайен.

“Манчестер Юнайтед”: де Хеа, Шоу, Туанзебе,Биссака, Линделёф, Бруну Фернандеш, Фред, Погба, Мактомини (Рэшфорд, 62), Кавани (ван де Бек, 87), Гринвуд (Диалло, 83).

“Фулхэм”: Ареола, Адарабийо, Брайен, Рим, Замбо-Ангисса, Декордова-Рид, Лукман (Тете, 89), Рид (Андерсен, 32), Кавалейру, Лемина, Карвалё (Лофтус-Чик, 63).

Огоҳлантиришлар: Бруну Фернандеш (18), Лемина (51), Лукман (87), Шоу (89).