“Лестер” Англия Премер Лигасининг 37-турида 18-май, сешанба куни “Челси”га қарши баҳс олиб борди. “Стемфорд Бриж”да бўлиб ўтган ўйинда мезбонлар 2:1 ҳисобидаги ғалабани қўлга киритди.
“Тулкилар”нинг ушбу ўйиндаги ягона голига Келечи Иҳеаначо муаллиф бўлди. Бу орқали нигериялик футболчи Премьер Лига 2020/21-йилги мавсумида ҳафтанинг ҳар бир кунида гол уришга муваффақ бўлди. Бунақаси АПЛ тарихида илк бор кузатилди.
“Лестер” (66 очко) ушбу мағлубиятдан кейин “Челси”ни (67) олдинга қўйиб юбориб, 4-ўринга тушиб қолди. Сўнгги турда жамоа “Тоттенҳхэм”га қарши ўйнайди. Битта захира ўйинига эга “Ливерпуль” ҳисобида 63 очко бор.
Иҳеаначо Англия чемпионатининг жорий мавсумида 24 ўйин ўтказиб, 12 та гол ва иккита голли узатма муаллифига айланди.
