ОФК кубоги 3-туридан ўрин олган "Насаф" - "Олтин Aср" учрашувидан олдинги матбуот анжуманида Рўзиқул Бердиев журналистлар саволларига жавоб берди.
«Эртага биз учун ҳам, рақиб учун ҳам муҳим ва ҳал қилувчи баҳс. "Олтин Aср" жиддий ва тажрибали жамоа, қийин ўйинга тайёргарлик кўраяпмиз. Ҳал қилувчи баҳсга барча футболчиларимиз тайёр.
Эртага мухлисларимизни хурсанд қиладиган натижа қайд этишга ҳаракат қиламиз. Йигитлар билан гаплашиб олдик. Ҳеч ким дуранг ҳақида ўйлаётгани йўқ, фақат ғалаба учун майдонга тушамиз.
Футболчиларимиз буни тушуниб турибди. "Олтин Aср" жамоасини яхши ўрганиб чиқдик ва таркибида Туркманистон терма жамоасининг кўплаб ўйинчилари борлигини кўрдик, тажрибали жамоа.
Шу боис бўшашмаймиз ва ғалабани кўзлаб ўйнаймиз. Ҳақиқатдан ҳам бўлажак рақибимиз яккакурашларда анча яхши ўйнайди. Лекин футболда бу муҳим аҳамият касб этмайди, эртага рақибдан тезроқ ва чаққонроқ бўлишимиз керак.
"Олтин Aср"нинг кучли ва кучсиз томонларига эътибор қаратдик. Кучли томони рақибнинг тажрибали футболчилари кўплиги. Таркибда Туркманистон миллий терма жамоаси аъзолари бор.
Ўйлайманки эртага йигитларимиз вазифани уддалашади.
"Хўжанд" билан ўйинга жиддий тайёрландик ва биринчи таймда бор кучимиз билан ўйнадик. Танаффус вақтида йигитлардан кейинги ўйинга ҳам кучни асрашни, лекин ҳали олдинда 45 дақиқа борлигини ва бўшашмасликни сўрадим.
Исталган жамоа 3:0 ҳисобидан кейин бироз эҳтиёткор ўйнайди. Тўғри иккинчи таймда ҳужумда бор кучимиз билан ўйнамадик ва кейинги баҳс ҳақида ўйлай бошладик. Ўзгаришлар қилдик ва ёшларни майдонга туширдик.
"Олой" билан баҳснинг иккинчи тайми. Сабаби биринчи таймнинг ўзида кўп вазиятлар яратдик ва иккинчи таймда 4та гол урдик. "Хўжанд" эса ўз майдонида ўйнади ва "Олой"дан бироз кучли эканлигини кўриниб турди. “Хўжанд” ўз чемпионатининг лидерларидан бири ҳисобланади.
Худо хоҳласа гуруҳдан чиқсак таркибимизни бироз кучайтиришимиз керак. Миллий чемпионатимиз ва кубокда ҳам юқори мақсадларни қўйганмиз. Юқори мақсадлар жучун фақат битта таркиб билан ҳаракат қилиш қийин бўлади.
ОФК кубогида ҳам узоққа боришни хоҳлаймиз. Бунинг учун ёзда таркибимизни кучайтиришимиз керак. Бу борада раҳбарият билан гаплашиб олганмиз», - дейди "аждарлар" бош мураббийи.
