«Ливерпуль» устози Юрген Клопп АПЛ 37-турида «Бёрнли» устидан қозонилган ғалабадан (3:0) кейин ўз фикрларини билдирди.
"Бу ярим финал эди. Биз унда ғалаба қозонишимиз шарт эди ва буни бажардик. Ҳолатимизни жиддий яхшилашга муваффақ бўлдик ва финалга йўл олдик. Ҳали ҳеч нарса ҳал бўлгани йўқ. Ажойиб ўйин ўтказган ҳолдан бунга муносиб бўлдик.
Тезда тикланишимиз керак. Баъзи позицияларда танлов кичик. Охирги баҳсда бизга ҳеч нарса кафолатланмаган. "Кристал Пелас" кучли рақиб ҳисобланади", — деди Клопп.
«Ливерпуль» мазкур ғалабаси орқали «Лестер» билан очколар (66) бўйича тенглашиб, тўплар нисбатига кўра ўзиб кетди ва тўртинчи ўринга кўтарилди.
